Rimis e pensadinis in tumiezzin

I PERSONAGJOS

Indice

  1. 1989 – Fèmine
  2. Amis
  3. Biadîns
  4. Debul e fuart
  5. Il furbo 
  6. L'egoist
  7. Rimpinadôr sociâl
  8. Siurute
  9. Vedràn
10. 'Zovin 
11. 'Zovine  
12. Alpin
13. Versione scaricabile

1

1989 - FÈMINE

Femine di vuèi,

che ducj a vulin contentati,

di diriz di sfrutâ no sta incjocâti,

ma ocjo tal cambiâ

di no pierdi plui che cjapâ.

2

AMÎS

Ai amîs a no si domande,

ai amîs a si conte;

parzèchè lôr a san ben capî

e senze leati, di cûr intervegnî.

3

BIADÌNS

Biadìns a son chei,

che inveze di cressi lôr;

di sminuî chei altris,

a non cjatin di miôr.

4

DEBUL E FUÀRT

Oms dolz e oms garps;

e dolz a non vûl dî debul,

e garp a nion vûl dî fuart;

cussì a podin someâ,

dome a cui ch'a ju vûl mangjâ.

5

IL FURBO

Ocjo al furbo,

che inteligjent al vûl someâ;

e che invece,

al cîr dome di bidonâ.

6

L'EGOÌST

L'egoìst a nol rive a amâ

ma dome a vendi e a comprâ.

7

RIMPINADÔR SOCIÂL

Timorôs, servîl e plauden

par otegni dal potènt;

bulo, prepotent e sapiènt

par sfrutâ miôr l'impotent.

8

SIORUTE

Sensibil a è senze jessi esaltadine,

il fisicut al è a puest e simpri elegantone,

al è un piezzùt che a è siore,

ma a continuin a calmale signorine.

9

VEDRÀN

Ognun al è libar di vivi,

sielgìnt la sô buine strade;

ma se un a si cjate a jessi vedran,

e senze chel amôr;

la sô vite di colp,

a pâr no vei valôr;

ma par fortune, vedran;

al è ancje il fî dal Signôr.

10

'ZOVIN

'Zovin amât parzè?

Parzè no respirâ il san savei da to cjase?

Parzè tabacâ tal forest,

fumatatis di potenzis e di licenzis?

Parzè no cjatâ ce ch'al vâl,

dome parze ch'al è dongje e al ven di regâl.

11

ZOVINE

‘Zovine biele e a sa jessi ninine,

drete a sta come une balarine

che a pâr une pipine.

12

ALPIN    

            Da sèstu lât alpìn?

          Alpìn das nèstris monz

          cùi  nèstris  bièi   paîs.

          Alpìn da màscje 'zoventût

          cu   lis  sôs  sàldis  radîs.

          Alpìn ch'al difìnt il so confìn

          il  so  crèdo  e il  so   destin.

          Da   sèstu   lât   alpin?

          Sènze nàinis clâr e sclet.

          La tô stòrie a  ti  ricuàrde

          cu la plùme e sìmpri dret.

13