Rimis e pensadinis in tumiezzin

LIS PENSADINIS

Indice

  1. La scus di dâ a ogniun il so  

  2. Dismenteasi

  3. E il cjâf

  4. Fasi valei

  5. I Gnierfs da cope

  6. Ideis

  7. Il compliment

  8. Important!

  9. Inrochìi

10. La cjacare

11. La solidarietât

12. Legri e serio

13. Lis pensadinis

14. Masse lez

15. No dome sensazzions

16. Par capìi

17. Par miôr cjastasi

18. Par miôrf imparâ

19. Par svualâ

20. Parze doprâ il furlàn?

21. Savei scoltà

22. Scuele

23. Sensibilitât

24. Sielte politiche

25.Versione scaricabile

1

CU LA SCUSE DI DÂ A OGNIUN IL SO

Un dai guscj plui gracj dal om,

al è il so prossim gjudicâ;

seti fasin il professôr,

il diretô o l'alenadôr;

par sintisi lui,

il Signôr.

2

DISMENTEASI

Al è important sintî il gust di dâ,

a chei che a no an e che a ur po' zovâ;

al è cussi che a si po' judasi,

fin a dismenteàsi.

3

E IL CJÂF

La int a ti poche,

a ti sbultre,

a no ti lasse fermâ;

a ti dìis,

a ti domande,

a ti fâs contâ;

ma il to cjaf

a no ti lasse doprâ.

4

FASI VALEI

Fâsi valei al è il moto di vuei,

par plui cjapâ e mancul paiâ.

5

I GNIERFS DA COPE

Gnierfs da cope, cussì a si clamin cjacarànt,

e nol è un sun dolz e nancje elegànt,

e pur dal om a guidin l’azìon,

tal tennis sci nuoto e balon;

po se ancje ben a si vûl balâ,

i gnierfs da cope a si scuegnin doprâ.

6

IDEIS

L'argoment al è sierât

ma il cjâf al reste impiât.

Senze vulei dal cjâf

dèis a si distachin

e come tal gnot

faliscjs lusinz,

'argoment a van a sclarî

par fâ viodi e capî.

Capî a  è un lamp,

cun tune vôs che a ti dîs:

“Cheste a è une idê;

chest al è important”.

7

IL COMPLIMENT

Un onest compliment al è un valôr,

un dovei che al dà plasei

e al fâs onôr.

8

IMPORTANT!

Pai oms e pas feminis di vuèi

al è importànt vèi

pôs pèi e tancj cjavèi.

9

INROCHÌI

Inrochìi in zornade di vuei

al è plui facil di ce che al somei.

A son i dogmas chei pustiz

Che il cjaf a puartin ai purciz

Se a baste dî “mi plâs cussì”

tu pos inrochìiti lì par lì.

10

LA CJACARE

La cjacare a è biele,

se a rive a spiegà;

brute,

se a vûl  fâ someâ.

11

LA SOLIDARIETÂT

La buine solidarietât;

seti dade,

seti vude.

A è simpri ben vivude.

12

LEGRI E SERIO

Legri ta serietât,

par ben lavorâ?

Serio te legrie,

par ben 'zuâ.

13

LIS PENSADINIS

A no son sentenzis,

ma dome opinions;

a no son pensirs intorzolâz

ma facilis riflessions;

a no vulin afassinâ,

ma dome fâ pensâ.

14

MASSE LEZ

Calme cun chês lez

che masse a vulin regolamentâ

e che inveze di liberâ

a rivin dome a scjafoâ.

15

NO DOME SENSAZZIONS

A no baste capî al volo,

dome per sintisi integjentz,

se ben a no si à capît;

a no baste sparâ critichis,

dome par sintìsi coragjôs,

se a no son iùstis e ben dìtis;

a no baste fâ ce ch'a si vûl,

dome par sintìsi lìbars,

se ducj a no si rispète;

a no baste...

16

PAR CAPÌI

Umiltât fiduciose

ta dignitât amorose,

par ben capìi;

presunzion bramose

ta ariditât vanitose

par mâl capìi.

17

PAR MIÔR CJATÀSI

Savei contentâsi,

senze stufâsi,

par miôr cjatâsi?

18

PAR MIÔR IMPARÂ

Se alc, miôr tu vulis imparâ,

cjate cualchidùn che a si lassi insegnâ.

19

PAR SVUALÂ

Il motôr al è la convinzion,

lis alis a son

l'entusiasmo l'ispirazion

e la prudenze a è il timon.

20

PARZE DOPRÂ IL FURLÀN?

Prime al ere il furlàn

e dopo al è vegnût il taliàn.

No vergognasi di cjacarâ furlàn,

che al pò judâ a jessi un miôr taliàn,

e di bon ch’al è,

par savei cui ch’a si è.

21

SAVEI SCOLTÂ

Ducj a podin dìi

pocjis peraulis

che tant a fasin sintìi;

parchèl al è miôr no ridi

ma fermâsi e capìi

22

SCUELE

O scule scuele

che a amâ tu varessis di insegnâ;

ma che spes tu rivis dome

a insegnâ cemût rivâ.

23

SIELTE POLITICHE

Sielgi a cui lis sostanzìs dâ,

sielgi a cui lis sostanzis gjavâ.

24

SENSIBILITÂT

Sensibilitât a è dentri di se sintî,

no dome ce che a si vûl sintî,

ma dut ce che il mont al à di dî.

25