Rimis e pensadinis in tumiezzin
I SENTIMENZ
Indice
1. A brazzeto
2. Amôr di copie
3. Chel cjan...
4.
Inamorât
5. Un
pâri
6. Mame
7. Ridìnt
8. Ritrat
9. Versione scaricabile
1
A BRAZZETO
Ce biel lâ a brazzeto!
A si cjamine insieme
e al pâr lâ incuintri al mont
sicùrs da compagnie.
Ce biel scoltâsi, capisi, tai voi cjalasi
e di un vincul di amôr unîz sintìsi.
2
AMÔR DI CÒPIE
Ta copie l'amôr,
esal ‘zontâ dos strezzis,
di ideài, sentimèntz e passiòns?
Dut par dâ amôr
e a la vite daigj plui valôr.
3
CHEL CJAN
Chel dì in mont d’estât
un cjan a nus à baiât.
Par cori a tor, daûr nus è vegnût
chel cjan di cjazze scognossût,
di malghe in malghe davant
e daûr nus à corût.
Cuant che i mi sei fermât
indaûr lui ’l è tornât,
e cui vôi a mi à clamât,
che i mi sei cuasi ingropât,
par chel cjan di cjazze scognossût,
che la mê compagnìe al à volût.
4
INAMORÂT
Cuant che i tu seis cun me
dut a si impie.
5
UN PÂRI
Tu seis un pâri
un pâri dai tiei timps.
Un pâri che al vîf ta int e tal lavôr
e in famê al cjacare di justìzie e di onôr.
Un pâri di chei “cui gnièrs da cope”,
un che al à gnièrf e no peleote.
Un pâri atènt a la sô famê:
pront a sorprendi il frut cun cualchi bièl scherzùt;
pront a poâ la sô manone sul cerneli dal frutùt,
cuànt che a i pâr un pôc flapùt.
Un pâri che al conte di so pâri e di so mâri, dai fradis
e dai amîs, da profuganze, da guere e dai timps antîcs.
A son storis impastadis di ironie,
tant che a scoltalis a ven di ridi e no malinconìe.
Tu seis propit un pâri, par me un riferimènt,
une compagnìe, un amôr sicûr;
pâri par simpri tù,
tu seis gno pâri.
6
31 DI MAI DAL 2009
MAME
Frute e fèmine di sestìn
serene tu as vivût il to destìn.
Lêgre di spìrit e inteligjenze
tai tiei valôrs cun slàncio e diligjenze.
Cussì a ti ricuarde cui che a ti à cognossùde
e la tô famê che a ti à gjoldùde.
7
RIDÌNT
Une bocje ch'a rît
coragjo a ti po' dâ,
ma a son i vôi ch'a ridin
che il cûr a ti san scjaldâ.
8
RITRÀT
La cjavelade a è mote
e lis ondis altis la musute legre
a van a incornisâ.
I smursielùz rotònz a curisìn i avrùz
e se i voglons a vegnin a calati,
a podin come nue incantesemati.
9