Rimis e pensadinis in tumiezzin
I ‘ZUCS E I SPORTS
Indice
1. Cul motorin
2. Il bal
3. Il biel
sciâ
4. Il tennis
5. Il vêr ‘zuc dal
balon
6. La
mont
7. Tressiet e briscule
8. Un legri sciâ
9. ‘Zucs ta l'aghe
10. Versione scaricabile
1
CUL MOTORIN
‘Zornade cjalde di afee di sudôrs,
meti sandai, ocjai
e bregons curtz
e vie cul motorin
par stradutis cuietis
tra cisis profumadis
e vie, paron di che rumôr
ch’al pâr tal aiarin fati svualâ
e cor, content di cavalcâ;
smpri savint che il motorin
a non è un cjaval
ma ancje lui al po scalzâ.
2
IL BAL
Il bal come la vite
la musiche la sô lez,
a si bale in compaghie
pal gust di gjolodi insieme,
libars dentri in chê lez.
3
IL BIEL SCIÂ
Ta l’arie pure di une mont
lusorose di soreli e di neif,
sciâ al è sbrissâ di gust;
libars e lizers,
concentrâz e rilassaz,
baldanzôs e prudènz;
acetant e gjoldint
ogni rive e ogni cunete
di chê splendide nature.
4
IL TENNIS
Un ‘zûc di sfliacje
par no savei c'è fâ
al po' someâ;
un ‘zûc di impegno
invèze al è
tal cirî l’armonie;
pal gust di dài a chê balute
cul vigôr dal boscadôr
e la grazie di une frute.
5
IL VÊR ‘ZUC DA BALÒN
Il vêr ‘zûc dal balòn al è une passion,
di compagnie, vite e fantasie;
ma se il balòn chê reit al scjassarà,
ancje vere poesie al pò diventâ.
6
LA MONT
La mont a è grande
e a sa fasi amâ;
cui siei boscs legris di roiuz e uzzeluz
a ti po’ incjantâ;
cui siei prâz lusorôs di flôrs e di erbis odorôs
a ti po’ incjocâ;
cui siei crez nez, ta purezze dal contat,
a ti po’ esaltâ;
ma a è la to piche
che lontan a ti fâsd cjalâ;
e cui siei vuèiz maestôs e silenziôs
ancje il flât a ti po’ zoncjâ.
7
TRESSIET E BRÌSCULE
Quatri amîs in tun taulin
lis cjartis lissis a sbrissin,
si tache cul tressiet;
ducj zito,
lis mans si movin sveltis
di intese cun chei cjafs;
e dopo a ven la brìscule
i voi a lampin ca e là par controlâ
lis lengjs a pirlin tal contâ e confusionâ:
i ‘zuadôrs,
a crodin, a non crodin,
a comandin, a ubidissin,
a sperin, a riscjin,
dut al po capitâ,
parchèl al è biel 'zuâ.
8
UN LÊGRI SCIÂ
Tal soreli e ta neif
sciâ a nol è lavorâ
ma in sane ligrie
gjoldi a interpretâ.
Bielòn l’è svirgulâ
tra gobis e cunetis
e tal lis vualâ
come sveltis fusetis.
Lizèrs come paveis
ta neif di pôc poiade
come gjàz dispetenâz
ta neif ben fracaiàde.
Tal stret come la bolp
che cul codòn a passe
tal larc come l’àcuile
che a svuale basse.
E vie cun curvis làrgjs
sivilànt un valzerìn
o cun violentis curvis
come un tango argjentìn.
Cul ritmo legri
di une marcete
o cul matùz rok
di une cuarnete.
Ce biel sciâ in libertât
e in buine compagnìe
ce biel podei fermasi
par gjoldi chê armonìe.
9
‘ZÛC TA L'ÀGHE
Da l’aghe, rispetose confidenze
a si à di vei, par podei 'zuâ cun jei,
par podei, come i siei pes
cun chei morbiz movimènz,
ore cjapale o molale o pur sbusale
o lassâ che jei a ti nizzi, a ti sostegni, a ti cjarezi,
come une mari al si frutìn
che a lu ten in tal so grim.
10